“Миний сэтгэлийн Монгол хорвоо” уран уншлагын наадам боллоо

Шинэ барга баруун хошууны 1 дүгээр сургуулийн “Хөх дөл” яруу найргийн нийгэмлэгээс “Миний сэтгэлийн Монгол хорвоо” уран уншлагын уралдааныг санаачлан, Алтан-эмээлийн Нарт гацаанаас зохион байгууллаа.


Уралдаанд Хайлар, Хуучин барга хошуу, Шинэ барга зүүн хошуу, Шинэ барга баруун хошуунаас 70 гаруй хүн оролцжээ. Тэдэн дундаас хамгийн ахмад нь 82 настай байсан бол хамгийн бага нь 2 настай оролцогч байв. Харин уралдааныг ШББХ-ны Барга соёл судлалын нийгэмлэгийн тэргүүн Базардэв, Сурган хүмүүжлийн товчооны заах арга зүйн төвийн Сэчин, Утга урлалын холбооны Хадаа, 2 дугаар бага сургуулийн Монгол хэлний багш Оюунчимэг, 1 дүгээр дунд сургуулийн эвлэлийн үүрийн дарга Төмөр, Хэрлэн сумын ахмад Сэрэндорж нар шүүн тунгаасан.


Насан хүрэгчдийн ангилалд Хэрлэн сумын Ариунаа нэгдүгээр байранд орж, Алтан-эмээлийн Сонихон Адуунчулуу сумны Өлзиймаа хоёрдугаарт, Алтан-эмээлийн Мөнхбаатар, Адуунчулуу сумны Оюу, Шинэ барга зүүн хошууны Амгалан нэгдүгээр дунд сургуулийн Номин гуравдугаарт тодорлоо. Хүүхдийн ангилалд Шинэ барга зүүн хошууны Амгалан нэгдүгээр бага сургуулийн Уянга манлайлж, ШББХ-ны хоёрдугаар бага сургуулийн Ван Нахиа, ШББХ-ны Нэгдүгээр бага сургуулийн Урлаг, Уяхан, Баясал нар гуравдугаар байранд орсон бол цэцэрлэгийн насны ангилалд нэгдүгээр байранд Жин Янь Жэнь, хоёрдугаар байранд Дэгжин, Содон, гуравдугаар байранд Нарилаг, Хорвоо, Хүсэл нар шалгарчээ.


Хөлөнбуйр өдрийн сониноос Баярт, Цэнгэл, Саруул