Жянши мужийн үзэмжит бүсүүд аяллаар зорьсон хүмүүс тухайн газар орны холбоотой шүлэг мэддэг бол, цээжилснээ уншиж сонирхуулбал тасалбарын үнийг хөнгөлөх бодлого хэрэгжүүлж эхэлжээ. Тэн Ван Гэ ордон Жянши мужийн Наньчан хотын баруун хойно байдаг Тан гүрний үеийн эртний барилга юм. Тан Тай Зүн Ли Шыминий дүү өнөөгийн Наньчан хотын захирагч байхдаа байгуулсан байна. Тан гүрний шүлэгч Ван Бө “Тэн Ван Гэ ордны оршил” хэмээх шүлэг дуулал бичсэнээр алдар нэр нь дуурссан юм. Энэ тавдугаар сарын 1-нээс арван хоёрдугаар сарын 31-ний хооронд “Тэн Ван Гэ ордны оршил” хэмээх 900 гаруй ханз шүлгийг 6 минутад бүрэн эхээр нь цээжээр уншсан жуулчныг үзэмжит бүсэд үнэгүй аялуулах юм байна. Энэ газар хурдны галт тэргээр Бээжингээс 6 цаг, Шанхайгаас 3 цаг орчим явж очдог. Тавдугаар сарын 19-нөөс зургадугаар сарын 18-ныг хүртэл “Лүшань ууланд авирсан нь”, “Тоорын цэцгийн хүрээлэнгийн тэмдэглэл” шүлгийг 8 минутад багтааж цээжээр уншвал Лү Шань уулын үзэмжит бүсийн тасалбарын үнийг хөнгөлнө.Шаазан эдлэлээр алдартай Жин Дэ Жэний эртний шаазан урлалын музейд “Жин Дэ Жэний шаазангийн дуулал” 60 бадаг шүлгээс 36 бадгаас илүүг цээжээр уншиж чадвал музейн цогцолборыг үнэгүй үзүүлэх юм байна.
Эх сурвалж:https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN