2023 оны сар шинийн баярын хүлээн авалт боллоо

2023 оны сар шинийн баярын хүлээн авалт боллоо
ХКН-ын Төв хороо, Төрийн зөвлөл энэ сарын 20-нд Ардын их хурлын ордонд 2023 оны сар шинийн баярын хүлээн авалт зохион явууллаа. ХКН-ын Төв хорооны Ерөнхий нарийн бичгийн дарга, Хятад улсын дарга, Төв хорооны цэргийн зөвлөлийн дарга Ши Жиньпин үг хэлж, Намын төв хороо, Төрийн зөвлөлийн өмнөөс үндэстнүүдийн ард түмэн, Хонконг, Макаогийн засаг захиргааны онцгой бүсийн ахан дүүс, Тайваний ахан дүүс болон гадаадын харьяат нарт сар шинийн мэндчилгээ хүргэжээ.

Ли Кэчян хүлээн авалтыг даргалж, Ли Жаньшү, Ван Ян, Ли Чян, Жао Лэжи, Ван Хүнин, Хань Жэн, Цай Чи, Дин Шюэшян, Ли Ши, Ван Чишань нар хүлээн авалтад оролцов.

Ши Жиньпин цохон тэмдэглэхдээ, "Өнгөрөн одож байгаа хар бар жил Хятадын нам төрийн хөгжлийн түүхэнд чухал жил боллоо. Ээдрээ будлиантай олон улсын орчин болон улсын дотоодын өөрчлөлт шинэчлэлтийг тогтвортой байлгах хүнд нүсэр үүргийн өмнө нам, арми, үндэстнүүд эв санаа нэгтэй тэмцэн, эрс шийдэмгий шаргуу тэмцэн хүчир бэрхийг ялан давж, социалист орчин үеийн бүтээн байгуулалтын шинэ хуудсыг бичиглэсэн юм" гэлээ.

Ши Жиньпин хэлэхдээ, "Энэ оны дээрх амжилт ололт амар ирээгүй. Нам ард түмэн хамтдаа шаргуу тэмцсэний дүнд олсон амжилт юм. Нам ард түмэн үргэлж хамт байж, хамтаар тэмүүлж зүтгэвэл ямар ч салхи бороо, хүчир бэрхийг даван гарч чадна" гэжээ.

Ши Жиньпин хэлэхдээ, "2023 он бол ХКН-ын 20-р их хурлын зориг санааг бүх талаар хэрэгжүүлэх эхний жил, хүсэл тэмүүлэл сорилт хамт орших нэгэн жил болно. Бид тогтвортой байдлыг чухалчилж, тууштайгаар урагшлан улсын дотоод гадаадын том асуудлыг сайтар зохицуулж, халдвар хамгаалалт болон эдийн засаг нийгмийн хөгжлийг сайтар анхаарч, хөгжил, аюулгүй байдлыг сайтар бодолхийлж, өөрчлөлт нээлттэй байдлыг гүнзгийрүүлж, эдийн засгийн эргэлтийг чармайн сайжруулж, хүмүүсийн амьдралыг үргэлжлүүлэн дээшлүүлэх болно. Бид итгэл дүүрэн хичээнгүй зүтгэвэл шинэ аян замын сайн эхлэлийг тавьж чадна" гэсэн байна.

Хүлээн авалтад ХКН-ын Төв хороо, БХАТИХ-ын байнгын хороо, Төрийн зөвлөл, Ардын дээд шүүх, Ардын дээд прокурор, УТЗЗ, Цэргийн төв зөвлөлийн удирдах хүмүүс болон ахмад нөхөд оролцжээ. Урлагийнхан хүлээн авалт дээр шилдэг тоглолт сонирхуулсан байна.
Эх сурвалж:https://mongol.cri.cn, Хөлөнбуйр өдрийн сонин Бүрэнбаяр, Насанцэцэг, Цэнгэл, Гялбаа