2022 оны 11 сарын 1 Хятадын сансрын станцын Мэн Тянь туршилтын бүхээгийг амжилттай хөөргөлөө. Хятадын сансрын станцын Мэн Тянь туршилтын бүхээгийг ачсан Чан Жэн-5В Яао4 зөөгч пуужинг 2022 оны 10-р сарын 31-ний өдрийн 15 цаг 37 минутад Вэнь Цан хиймэл дагуул хөөргөх төвөөс хөөргөж, 8 минутын дараа туршилтын бүхээг задгай сансар дахь тойрог замдаа амжилттай орсон талаар Хятадын Нисгэгчтэй сансрын инженерийн алба мэдээлэв.
Мэн Тянь туршилтын бүхээг нь Хятадын сансрын станцын гурав дахь хэсэг, шинжлэх ухааны туршилтын хоёр дахь бүхээг бөгөөд ажлын болон ачааны кабин, ачааны агаарын түгжээ, нөөцийн кабин зэргээс бүрдсэний зэрэгцээ хөөрөх үеийнх нь хүндийн жин 23 тонн юм. Туршилтын бүхээгийг сансрын шинжлэх ухааны туршилт, сансрын станцын угсралтын удирдлага зэрэгт ашиглана. Ачааны агаарын түгжээ нь ачааг автоматаар оруулж гаргах болон бүхээгийн дотор болон гадна талд шинжлэх ухааны туршилт хийхэд дэмжлэг үзүүлэх юм.
Эх сурвалж: http://www.solongonews.mn Хөлөнбуйр өдрийн сонин Бүрэнбаяр, Насанцэцэг, Цэнгэл, Яргуй
DORNODMEDIA.MN