Бреннан Мугара Бээжингийн Өвлийн олимпын наадмын Үндэсний Гимнази дахь олимпын нэвтрүүлгийн хэлтэст хоккейн хөтөлбөрийн зураглаачаар ажиллаж байна. Мугара хоккей сонирхогч бөгөөд системчилсэн сургалтад хамрагдаж, ажиллах эрхтэй болжээ. Цэнгэлдэх хүрээлэн дэх бусад зураглаач, гэрэл зурагчдаас ялгаатай нь Мугара хос тэшүүр өмсөж ажлаа гүйцэтгэдэг. Тоглолт эхлэхийн өмнө Мугара бусад ажилтнаас түрүүлж ирэн тоног төхөөрөмжөө бэлтгэн шалган, цагаан хүрэм, тэшүүрээ өмсөөд тамирчидтай зэрэгцэн тэшиж илүү ойр бас бодитоор тэмцээнийг дамжуулдаг.
"Мөсөн дээрх гэрэл зурагчны хувьд мэргэжлийн зураглаачийн ур чадвараас гадна уран гулгалтын өндөр ур чадвартай байх ёстой. Мөн зураглаач тамирчдад саад болохгүй байхад анхаарах шаардлагатай". Сүүлийн 10 жилийн хугацаанд Мугара гурван олимпыг сурвалжилжээ. Эдгээр олимпын наадмуудыг чанартай дамжуулахын тулд гар камер болон утасгүй камерыг зэрэг хянах үүрэгтэй байдаг. Харин энэ удаагийн Өвлийн олимпын байгууламж, үйлчилгээний тухайд тэрээр хэлэхдээ "Бээжингийн өвлийн олимпын бүх зүйл нарийн, нягт нямбай, мэргэжлийн түвшинд хийгдсэн. Хятад улс бүх бэлтгэл ажлыг маш сайн гүйцэтгэсэн нь тахлын үед улс орнуудад томоохон хэмжээний спортын тэмцээн зохион байгуулах сайн жишээ болж байна" хэмээн онцолжээ.
40 настай Мугара Хятадад анх удаа ирж байгаа нь энэ юм. Түүнд эндхийн хоол хүнс, соёл маш их таалагддаг. "Хэдийгээр хэл, соёлыг нь гүн гүнзгий ойлгох боломж байгаагүй ч урам зориг, найрсаг байдлыг үргэлж мэдэрч байна. Цар тахал дууссаны дараа би гэр бүлээ Бээжинд авч ирэн энэ танил бас танил бус хотод дахин зочлох болно" хэмээжээ.
Эх сурвалж :http://www.solongonews.mn, Хөлөнбуйрын өдрийн сонин Содбилэг, Цэнгэл
DORNODMEDIA.MN