Шилийн гол аймгийн Авага хошууны Цагааннуурын Олонбулаг Гацааны малчин Мөнхийнх мал маллахаас гадна хөрзөн уллах зэргээр нэмэлт орлого олдог.
Хэдийгээр Мөнх ах дүү олуулаа ч ханьтайгаа учран өрх гэрээ тусгаарлаж, хичээж яваа залуу гэр бүл. 2 мянга гаруй мү нутаг бэлчээрт малаа маллаж явсан боргожуун амьдралын үед нь том охин нь өвдөж, өндөр өртөгтэй эмчилгээг нь залгуулах хүндхэн үетэй тэд нүүр тулжээ. Хүрэхтэй, үгүйтэй орлоготой болсон тэд арга бус айл хөршийнхөө хөрзөнг уллаж орлогодоо нэмэр болгов. Ийн явсаар долоон жил хөрзөн уллаж, улалсан хөрзөнгөө тээж, зөөж, хураан дааж авсан ажлаа сайн хийдэг учир айл хөршийнхөө магтаал урмаар айлаас айл дамжин ундарсан их ажилтай болжээ. Айл дамжин хөрзөн уллаж пэн хорооны их бага, хөрзөнгийн зузаан нимгэнээр үнэ тогтоон жилийн орлого нь 80 мянгыг давж хөрзөн улласан долоон жилдээ 500 мянга гаруй юанийг олж, амьдралаа өөд нь татаж чадсан байна.
Эх сурвалж : Хөлөнбуйр өдрийн сонин Бүрэнбаяр, Цэнгэл, Яргуй
Зургийн тайлбар : Шилийн гол аймгийн Авага хошууны Цагааннуурын малчин Мөнхөө
DORNODMEDIA.MN